› 選擇地區
三藩市
紐約
洛杉磯
其他美國地區
香港 台灣 北美
 
2014年11月11日

被阿爺遺棄
田北俊馬場陪女尋開心

共產黨嗰種唔准人有獨立意志嘅獨裁思維,喺最近田北俊事件中,完完全全赤裸裸暴露,田少叫689考慮辭職合情合理,竟然招來橫禍,畀大陸撤銷政協常委職務,田少亦因此辭去自由黨黨魁一職。
講真田少大把錢,唔使睇共產黨面色,政協常委呢啲橡皮圖章,做唔做都罷啦,多啲間跑吓馬仔湊吓孫,好過同大話精行騙長官糾纏落去啦!
今期谷草賽事,田少就既可以同個女家庭樂,又隨時有頭馬拉,事關佢千金田啟安隻「盈威勇士」,輸吓輸吓,呢次終於降落四班跑喇,隻馬雖然好耐冇贏過,但今季喺三班三戰,次次只係輸兩個零身位,近態根本唔差,睇部署明顯一心等落到四班先郁手,今次雷神唔放手繼續騎,抽四檔啱晒呢匹均速馬發揮,睇番「盈威勇士」對上兩次跑四班賽,已係去年3月嘅事,結果嗰兩場都彈離對手贏馬,就知道佢喺四班,係幾咁有分量嘅馬!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載