› 選擇地區
三藩市
紐約
洛杉磯
其他美國地區
香港 台灣 北美
 
2014年11月22日

領隊收風:
歐亞分途爆「大」戰 - 本地職業領隊

噚日收到流浪漢喺九龍灣嗰邊有燒豬食,咪走去八吓喇!一入球場即刻撞到日本通收銀田,佢一見到我即拉我埋一邊話有好嘢醒我,我問咩咁神秘,佢話有睇我呢段嘢,所以自動報料,我見佢咁鬼熱心就即管聽吓佢講咩喇,佢話今日歐亞都有心水。
先講亞洲日本方面,浦和紅鑽對大阪飛腳入球「大」有1.85倍;日聯接近尾聲,飛腳要爭冠,力求擊敗對手,而紅鑽贏即奪冠,日本人習慣打道氣,一定攻,「大」會係上算。
至於場英超大戰仲勁,阿仙奴(圖)喺倫敦擺陣迎曼聯一樣要入球「大」,曼聯班球員打完國際賽再多幾件傷兵,後防問題多多,而阿仙奴亦想喺主場贏波將紅魔拋離,中場韋舒亞打完國家隊比賽狀態亦見回勇,1.65倍係少啲,但乘埋1.85倍就有3倍幾又唔錯喇,聽聽吓呢個收銀仔又有紋有路,即管跟吓。

報完料,我又問番佢嚟九龍灣球場做咩?佢話喺餐室成日聽班球員講話政府為咗球場草地保養,長年都頭痛,早幾年已經計劃將啲天然草球場改做仿真草畀波總用,亦希望波總試吓好似大枱客咁用嚟打比賽。
九龍灣上年改建,流浪漢聽日嘅港超聯就率先用佢做主場迎戰大廟隊,為求心之所安,加上近排成績又唔係咁好,所以標準莫就安排次拜神,希望新主場樣樣嘢都順順利利,拜得神一定有燒豬食,所以就過嚟搵燒豬食囉,我話咁都得呀!
本地職業領隊
耳聽八方 專收好料

識睇,一定係睇足英台【英波Live】:
http://soccer.appledaily.com
http://bit.ly/engballlive

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載