› 選擇地區
三藩市
紐約
洛杉磯
其他美國地區
香港 台灣 北美
 
2014年12月20日

足動神經:
修頓頹又殘 冷「愛」必取 - 波神

修咸頓這支南部奇兵,近期黑到爆,今晚又有兩件中場主力咁啱停賽同成籮傷兵,就算佔主場之利,都讓唔起唞夠嘅愛華頓(圖)。受讓「拖肥」,趁番近排天氣,最佳冷品。
季初有「壓曼城逼車仔」勁勢嘅修頓,近6戰不勝兼已5連敗,輸到捧場客腳軟,周中英聯盃遇低兩級嘅錫菲聯照爆冷出局;場波主要收起攻擊孖寶加斯安奴柏利同杜辛泰迪治,領隊朗奴高文賽前想法同利記羅渣士應該接近,望盃仔殺弱旅入4強止吓瀉。結果,利記如願反底成功;但同樣讓半/一嘅修咸頓輸波失手,最大件事係後者中場兩主將,剛傷癒嘅舒尼達連同雲耶馬,下半場齊攞黃牌,夠數要今場停賽。

兩中場主力停賽影響大

修頓除咗踏入魔鬼賽程外,傷兵亦漸多,後備包括守將吉田麻也,中場新人希斯基夫(上周聯賽鬥般尼,首次擔正即上半場被踢傷)及前鋒馬約卡等,未夠級數頂上。季初兩大殺着,土炮尼達利基尼喺右路打晒;加上一對新援,左路泰迪治及中鋒柏利眉來眼去,敵衞未知底蘊,威力極強,惜近期每被對手洞悉,球隊攻力全面啞火,對上兩個月7戰聯賽,修頓僅入5球。今場停賽嘅兩將,舒尼達連以及雲耶馬,屬中場攻守兼備嘅輸血管,兩人今季合共平均每場有7次攔截,排該隊2、3位,僅僅不及有4.4次嘅基尼,但遠遠拋離其他隊友;另外,兩人更並列球隊聯賽次席射手。上仗聯賽修頓黑到12碼都唔入,轉頭仲輸埋畀弱旅般尼,今晚泰迪治都傷埋;朗奴高文賽前開記者會話,到時要4、5件青年軍撐場做後備,殘到咁,點反底?
對手愛華頓,實力平均勝修頓,但早前受周四長踢歐霸盃影響,休息不足即戰聯賽影響頗大;統計踢畢歐霸盃後,該隊翌戰聯賽僅錄2勝1和3負,所贏兩仗係昆士柏流浪及般尼兩大魚腩。上仗大勝昆士柏,受惠最後1場歐霸分組賽已夠分出線,盡派後備,得以全力攻聯賽;今次休息期更長,又有中場悍將巴利復出,另一中場新星巴克里剛戰入金球,大獲好評,後防由身經百戰嘅左閘巴尼斯,對付英格蘭隊友基尼料會稱職,今戰客W,進取波友可作重心。
次選本欄常客,韋斯咸;前線兵源拍得住6鋒阿仙奴,迎戰包尾李斯特城讓半/一,必定攻到「狐狸」氣咳!
文:波神
神級攻略 智破足彩

識睇,一定係睇足英台【英波Live】:
http://soccer.appledaily.com
http://bit.ly/engballlive

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載