› 選擇地區
三藩市
紐約
洛杉磯
其他美國地區
香港 台灣 北美
 
2014年12月24日

柏案驚奇:何謂「最佳」? - 方栢翹

喺充滿客觀數據的足球世界,誰是聯賽首席射手、誰是聯賽冠軍一目了然,要選「最佳」應該不難吧?但事實卻非如此。例如「球季最佳領隊」,到底係帶隊星光熠熠嘅豪門贏得冠軍難啲?定係教隊包尾魚腩球隊成功護級難啲?
我就始終認為足球場係英雄地,借用葉問金句:「足球,兩個字,一係『贏』,一係『輸』;贏冠軍嗰隊就梗係啱晒!」故此,上屆英超冠軍教頭比歷連尼(圖)竟在兩項最佳領隊選舉皆落空,贏家係前水晶宮領隊的普利斯及紅軍羅渣士,唔知有無人好似我咁為比帥感不值?
至於球員獎項就更複雜。以「葉問邏輯」,今屆金球獎當然非世盃冠軍門將紐亞莫屬!但今屆冠軍德國,像前3屆大賽冠軍西班牙,明顯以整體合作奪冠,沒有誰比別人更重要,相反無咗邊個都唔得!
咁美斯呢?都贏唔到世界盃冠軍,又點算得上係最佳呢?但話紐亞係德軍今屆世界盃奪冠嘅「最大功臣」又好似說不過去(查實佢喺世界盃期間都無乜受過考驗……)。結論係:可能「最佳球員」同講求團隊合作嘅足球世界,根本係一個矛盾?

未完場選最佳夠荒謬

全年最佳難講:咁單場比賽選最佳球員容易喇掛?不過有啲有獎遊戲, 未完場時已於現場宣佈最佳球員得主;或於完場前10分鐘已經截止投票。其實場波勝負都未分,又點選「最佳」?你宣佈完我攞獎,跟住我發波瘟擺兩個烏龍輸波;咁呢個係「最佳」,定「最荒謬球員」?
方柏翹
now足球評述員

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載