› 選擇地區
三藩市
紐約
洛杉磯
其他美國地區
香港 台灣 北美
 
2014年12月24日

馬主二代親自作曲
唱出不能忘記的事

上屆馬王「威爾頓」日前勇奪今屆香港盃,表現回復霸氣,當日馬主東莞首富鄭強輝冇出現,由兒子鄭家星擔大旗,代父上台領獎,認真威水。

24歲嘅家星之前主力拍電影,曾經響《葉問》入面做任達華個仔,《西遊記之大鬧天宮》中演哪吒,雖然佢已經宣佈唔再做幕前拍戲,要協助父親打理家族嘅地產、電影等生意。但家星話自己實在喜歡音樂,仍醉心於作曲,繼《再說一次我愛你》後,家星嘔心瀝血又有一首親自作曲,並由佢主唱嘅《不能忘記的事》面世,啱啱先派上KKBOX可下載,同fans分享,封面更係由家星親自拍攝,好有誠意。

《不能忘記的事》歌詞中,有幾句「燈火闌珊,浪漫燈海,等著你回來」,究竟家星等緊邊個呢?而作為馬迷,當然等緊「威爾頓」再出,希望再目睹佢嘅風采,估計「威爾頓」可能會跑1月25號1600米董事盃,而董事盃之前,家星另一愛駒「星爾頓」將會喺周日(28日)賽事率先上陣;「星爾頓」雖然冇「威爾頓」咁勁,但近兩仗取一冠一季,表現亦相當進步,尤其上場田草1600米,排14檔早段大包尾,直路發咗癲咁追上嚟只輸一馬位得季軍,可見隻馬跑長啲會仲好,今次大幅增程初跑2000米,如果交出佳績,正好為爭逐明年3月同程打吡大賽打下一支強心針!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載