› 選擇地區
三藩市
紐約
洛杉磯
其他美國地區
香港 台灣 北美
 
2015年02月05日

靚仔馬主先苦後甜!
周二愛駒死亡 周三另一駒取勝

練馬師何良以往係谷草大贏家,呢兩季跌咗Watt,今季田草頭馬更係谷草一倍咁滯。呢位好好先生今期谷草叻番次,唔係靠佢老友阿叻陳百祥嘅馬,而係靠老馬「叻先生」,呢匹七歲馬守齋接近兩年,上仗五班千二米輸畀頭馬「歡喜」兩個幾馬位得第三,今鋪郭能停賽借勢換蘇狄雄減兩磅,出戰第二場五班1000米,成功反勝「歡喜」報番一箭之仇,爆出7.2倍半冷win,「先生」系陣營今季首次贏馬,馬主史立德、史昊洺賽後笑得好開心。
史昊洺經歷先苦後甜,佢名下馬「狄奧圖」本周二試泥閘返到直路先噴血後撞欄暴斃,估唔到事隔一日,佢同父親史立德聯名擁有之「叻先生」咁生性,搞到呢位靚仔馬主好開心。
相反「歡喜」呢次唔能夠再贏馬報喜,縮程抽12檔,結果放唔到輸頸位只得第二,第三名係「歡喜」上手練馬師李易達之「大家關心」,達哥殺唔到叛將,拎番個披士交差,第四名係時廐「上海先鋒」。
史立德說賽前信心一半半,不過上周末他有入倉探望「叻先生」,馬兒狀態十分好,他大讚何良保養此馬一流。至於史昊銘表示對「狄奧圖」死去感到很難過,不幸中之大幸是見習學員陳嘉熙没有受傷。史立德透露稍後將啟程前往澳洲,為兒子物色良駒,頂替「狄奧圖」。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載