› 選擇地區
三藩市
紐約
洛杉磯
其他美國地區
香港 台灣 北美
 
2015年02月15日

Sunday Fever:曼聯特訓 - 梁栢堅

迪馬利亞(右)近仗表現差勁,難怪被曼聯躉猜測為「特訓」主角。 互聯網

仲想同大家拜個早年,點知執筆時見到羅馬球員着住件「柒牌男裝」,球衣心口四個簡體字左至右寫住「拜个早年」,字體非常肉酸,而兩位model正好係迪羅斯同尼恩高蘭,救命!今晚對帕爾馬場比賽,仲會全隊波着出嚟,何其壯觀(我已經決定非理性落注對家帕爾馬)。見到呢件衫真係連隔夜飯都嘔埋,但內地人當然接受啦;當大家見到新界各處已經淪為水貨區,仲要見到歐洲球隊都淪陷,真係好想落去沙田「鳩嗚」。
講番啲開心嘢,今個禮拜嘅主角當然係曼聯。曼聯近期狀態一般,當然需要「特訓」一下,結果就流出咗某曼聯球員嘅廁格交歡片,地點聽聞係夜總會,仲要話係國際級球星;可惜片段只限曼聯球員瘋傳,大家無奈無緣一睹英姿,欣賞下另類「射術」。小弟當然第一時間問吓身邊朋友,正好有位填詞人係「獌狗」(唔開名喇),睇佢有冇咩心水。佢話最緊要睇呢兩個禮拜球員啲狀態,受呢類醜聞困擾,一定會甩甩漏漏,粉絲一定睇到;而雲高爾當然會畀出事球員出場,因為突然缺席太過欲蓋彌彰,之後佢推理應該係「天使」迪馬利亞。而我就估係肥仔朗尼,皆因佢已經係資深玩家,召妓偷食傳交射皆精。
睇番外國盤,頭三位呼聲最高乃基斯史摩寧、勞基梳爾同朗尼。不過,曼聯樹大常招歪風,贊奴沙同香川上年都有玩裸聊,領隊又點樣控制到?
梁栢堅
填詞人+彩池人

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載