› 選擇地區
三藩市
紐約
洛杉磯
其他美國地區
香港 台灣 北美
 
2015年03月20日

飛來橫禍!
許仕仁舊愛 傷重魂歸天國

行船跑馬三分險,唔單止騎師經常要面對墮馬風險受傷,用嚟競賽的純種馬,有別於其他品種馬匹,本身腳部較脆弱,偶然會跑跛或操跛,傷重救唔番遭人道毀滅。
呢日(19日)就發生一宗咁嘅意外,潘頓策騎葉廐「各適其適」進行快跳,當隻馬跑到終點前200米柱段左右,突然劇痛一拐一拐,不良於行,潘頓隨即收停落馬,安撫該駒,拖牠走到外欄一角,避免干擾其他馬。冇耐葉楚航等人亦趕到,獸醫檢查後,為「各適其適」的右前腳進行包紮,準備送去醫院,不過此駒狀甚痛苦,連行上運馬車亦有點困難,幾步路都搞咗一陣先成功,不過後來仍傳來噩耗,傷勢太重關係,需要人道毀滅。
6歲嘅「各適其適」原本係許仕仁名下,但他在貪賄案曝光前,將此駒出售招標,由紅駿團體買入。「各適其適」易主後表現甚佳,至今取得5冠3亞1季,強如一班馬「魚躍鳥飛」亦曾經輸畀「各適其適」,累積獎金339萬,絕對係一匹好馬。今季佢雖然表現下滑,但上仗後減至60分,本來短期內可降入四班爭勝,估唔到呢匹許仕仁舊愛,有咁嘅下場。
除了「各適其適」,本周二李廐「大家關心」亦是操練期間跛腳,被人道毀滅。當日還有一匹「遊俠兒」,也因傷患問題死亡,換言之三日內死了三匹馬。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載