› 選擇地區
三藩市
紐約
洛杉磯
其他美國地區
香港 台灣 北美
 
2015年03月31日

這就是傳說中的免死金牌?

騎師未盡全力被重罰,一般來講馬迷都冇乜異議,好似巫斯義策「精彩鬥士」一案,隻馬沿途墮後,佢究竟有冇心搏殺,大家都心中有數。
不過騎師喪放座騎輸咗,被指犯規重罰收場,係咪合理就見仁見智。早幾年蔡明紹騎「威力高」喪放要停賽九個賽日,今季亦有呂卓賢策「一馬當先」類似情況須停賽八日,大家有冇想過,如果兩隻馬最終放到,騎師肯定唔會受罰外,更一定有人讚佢哋騎得好。
好似2010年3月滇仔騎「引伸波幅」正係喪放照贏,本月中吳嘉晉策「有醒」,早段亦係快到甩轆帶到,試問「引伸波幅」、「有醒」如果唔生性末段潰散,鞍上人就可能招來重罰橫禍,所以喪放唔一定係亂跑,只不過成王敗寇而已,亦令人思考,喪放輸咗就重罰騎師,係咪對佢哋唔公平!
其中「有醒」今期又再上陣,路程、配搭不變,會否再喪放就唔知啦,但就算吳嘉晉今勻喪放慘敗,因為有上仗放到前科關係,競賽小組一定唔會搵佢麻煩,豈非就是傳說中的免死金牌?

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載