› 選擇地區
三藩市
紐約
洛杉磯
其他美國地區
香港 台灣 北美
 
2015年04月10日

Girl’s Talk:
曼市打吡以和為貴 - LULU

今個星期嘅曼市打吡對兩隊都好重要,特別係考慮到兩隊排喺聯賽第三第四位,相信今場戰況會好激烈。
如果你問雲高爾最近最擔心咩,佢未必會答你係呢場打吡,我估佢會答你係唔同球會傾續約嘅迪基亞(圖)。只剩下一年合約嘅迪基亞近年表現真係好到不得了,曼聯喺季初未致失分太多,全靠迪基亞一夫當關。如果唔係迪基亞佢地而家都未必有機會排第三。球迷對迪基亞亦非常滿意,如果你有睇過佢哋嘅比賽直播,有時都會聽到佢哋用迪基亞個名作咗首歌,歌頌佢今季嘅表現。
曼聯當然想留住迪基亞,但係問題係可唔可以留得住。如果皇馬真係要簽迪基亞,相信雲高爾都要花唔少唇舌同心機去留人。不過曼聯球迷亦都唔需要太擔心嘅,好似以前後舒米高年代咁,搵好龍門都搵咗幾年,加上𠵱家後備席有個域陀華迪斯,大賽經驗絕對冇問題。話唔埋雲高爾真係可以賣迪基亞去皇馬,順手用所得嘅資金加多幾個勁人,咁下季就可以再成為爭標分子。
正如我頭先所講,大家都唔想輸,有機會以2:2比數完場。

LULU
不懂踢波愛睇波

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載