› 選擇地區
三藩市
紐約
洛杉磯
其他美國地區
香港 台灣 北美
 
2015年05月07日

恐怖新馬!
初出不明物體 震撼性後勁即勝

雷神第二場做潘頓替工贏「好事必得」,到了第五場四班千二米,他名正言順勝出自己揀騎之蔡廐馬「有心人」,後駒首次出賽排11檔跑谷草,早段墮後冇乜走勢,拉士百幾米卻如狼似虎地撲上,對內側馬匹話過就過,爆出8.8倍半冷win,好有王者風範,毫無疑問大超班,蔡約翰繼剛周日沙田賽事的「澳斯卡」,又一匹插四班自購新馬以驚人姿態即勝。
「有心人」馬主麥鏡開係本地知名測量師,養馬資歷深,當中以1995年遮打盃同「有性格」做平頭冠軍之「開心人」最猛料,今季佢憑「有心人」再戰江湖,結果好運持續,一出即打響頭炮。
今場雷神賽前幫由吳廐轉東廐初出之「帶寶來」試過谷閘冇騎,結果證明佢冇揀錯馬,「帶寶來」用韋達搏盡都係第三,唔能夠轉倉即贏。反而原本訓練「帶寶來」之吳定強,卻憑「勁駿皇駒」影贏「帶寶來」入Q,幫自己出番啖氣。第四名乃後備補出之「天地福星」。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載