蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月20日
馬上成為壹會員

老婆祖父駕到!
多仔公騎師 要複製快樂五月

這天(19日)沙田晨課有位外籍老人家到場,與愛爾蘭籍騎師郭能結伴同行,郭能兒子阿Jack亦在旁。原來該長者是郭能太太的祖父,英國一位退休練馬師。今次來港探孫女一家,周三(20日)亦會到跑馬地馬場,為郭能打氣。
記得去年亦係五月,阿Jack的曾祖父來過香港,結果郭能當日勝出姚廐一對「百勝不厭」、「海洋活力」起孖,姚本輝有邀請呢位前輩拉頭馬。今次咁啱姚本輝又有一對馬「永神駒」、「小龍兒」交畀郭能操刀,莫非輝哥一早知道前輩又來港,特登有此安排,希望重溫一齊拉頭馬嘅好夢?
講番馬匹,郭能接受訪問,佢話第二場四班1200米嘅「永神駒」上仗輸得非常不值,轉彎時嚴重受阻勒避,最終只輸個零馬位,若非有意外,應係坐位望贏之馬。郭能話「永神駒」復課狀態保持大勇,今仗只要出閘順利,盡快切入克服外檔阻力,便有力收復失地贏馬。至於尾場「小龍兒」,郭能指此駒前仗同程谷草1650米入Q輸鼻位純粹欠運,上仗梗頸四則因檔位欠佳,今次抽三檔理想,當然係爭勝份子。
郭能係多仔公,有三名兒子,太太祖父來港見到三位曾孫,肯定已樂不可支,如果仲有得拉頭馬,咁就真係不枉此行咯!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載