› 選擇地區
三藩市
紐約
洛杉磯
其他美國地區
香港 台灣 北美
 
2015年05月26日

鋼鐵陣容!
郭能挫雷神封王 唔係天方夜譚

今期(27日)沙田泥地夜馬潘頓停賽,有四位好手跑足八場,分別係莫雷拉、韋達、郭能及田泰安。其中唔使問都知,雷神喺騎師王彩池一定熱到乏味。
其實半冷吼郭能,絕對諗得過,睇番佢嘅八匹座騎中,除咗「勁勇威龍」、「勢必跑」外,其餘六匹「糖黐豆」、「保羅威威」、「福嘉皇」、「紅褲仔」、「幾叻仔」及「好老友」全部喺近三仗內曾勝出或上名,近態有保證。其中「紅褲仔」、「幾叻仔」及「好老友」更曾經喺泥地贏馬,戰鬥力毋須懷疑。
葉廐「好老友」四戰同程泥地一哩得兩冠一季演出可靠,剛剛同程排11檔劣位下放到,新勝濕泥賽事,近日天氣不穩,正合佢發揮,抽1檔遠好過上仗,今朝(25日)葉楚航捉住郭能傾個唔停,有晒搏殺手影,相信今次跑第二都唔開心。
至於郭能初跑泥地嘅座騎中,「保羅威威」埋門試泥閘上名走勢好,有備而來,睇嚟郭能真係有機會封王,登上今期騎師王寶座。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載