› 選擇地區
三藩市
紐約
洛杉磯
其他美國地區
香港 台灣 北美
 
2015年05月31日

咁快又見你一面 好事定壞事?

踏入五月份之後,每次賽事都例有隔一周或以內匆出馬匹交出佳績,好似上次日賽及剛周三上名之「馬來之珍」和「喜多屋」,便是最好例子。今期(31日)沙田賽事,有三駒剛於上次日馬跑完,分別為「活力歡騰」、「好心思」及「金龍華」,後兩駒更加係有開表現,趁勇再來必定有計。
第四場「金龍華」返回四班後近三戰均入位,證明評分已找到支持點,上完名咁快又跑,以賢廐馬而言是好事,翻查今季共有五匹賢廐馬,上名後隔一周又再跑,交出兩勝兩位佳績,好似最近就有「創基寶」匆出贏馬補中,「金龍華」出埋王牌更顯戰意,有力取得在港首捷。
至於第十場「好心思」剛於上次日賽爆冷贏馬,睇番今季共有14駒贏完,相隔唔夠10日再上陣,當中12駒繼續上名,共獲四冠五亞三季,證明練馬師肯安排贏開嘅馬匆出,必定係想打鐵趁熱乘勝追擊;加上姚廐今季有「樂在其中」隔一周匆出連捷,「好心思」大可依樣畫葫蘆。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載