› 選擇地區
三藩市
紐約
洛杉磯
其他美國地區
香港 台灣 北美
 
2015年05月31日

一日損失三駒!
大馬主轉運機遇來了

曾經吒咤一時嘅「加州」系馬,今季唔知搞乜,運氣差到不得了,一代灰馬之王「加州萬里」,早前喺皇太后盃比賽途中心律不正常拉停,延至剛周三下午,與同主嘅「加州金鑽」雙雙宣佈退役。滿以為黑氣暫告一段落,點知當日晚上更發生一件慘案,梁欽聖名下另一駒「加州戰神」,喺亮相圈馬格內,準備行圈前大發脾氣,撼頭埋牆死亡,馬主一日內冇咗三隻馬,都算異數。
不過大家要留意,上述三隻「加州」都係黃、紅色綵衣,此系馬另一件經典藍色綵衣嘅「加州卓越」,近排其實表現唔錯。隻馬上仗初落四班,喺雷神胯下後上甚勁,拼入一席亞軍,演出遠比之前進步。雖然對頭馬冇乜威脅,但要注意「加州卓越」生得細細粒,當日孭133頂磅,讓咗頭馬「藍雪山」八磅咁多,其實絕對唔簡單。
今次「加州卓越」升番上三班對手強咗,但負磅因此大減20磅,啱晒呢匹細馬,何況連同外國只上陣七次,現階段正值當起,仲有好大進步餘地,「加州」系馬今季未交代,練馬師告東尼冇壓力就假,「加州卓越」正好贏馬沖吓喜!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載