› 選擇地區
三藩市
紐約
洛杉磯
其他美國地區
香港 台灣 北美
 
2015年06月03日

黑衣巨人試閘只第二!
大摩:有樣嘢令我擔心

這天(2日)沙田晨課的焦點,毫無疑問是摩廐黑衣巨人「步步友」出試第一組1600米草地大閘,結果跑第二。
世界馬匹排名榜第一位的「步步友」上月3日於冠軍一哩賽行過對手,級際賽六連勝之後,馬主李福鋆醫生決定畀愛駒出爭6月16日英國皇家雅士谷賽期之1600米一級賽女皇安妮錦標。今課試閘是此駒首度遠征前的最重要備戰,因此大摩極度緊張,今朝試閘前已經喺機坪mark實隻馬及雷神,之後又跟隨「步步友」出跑道,唔想有任何差池,結果「步步友」有唔錯走勢,沿途墮後,刻意考驗後勁,直路走大外檔追上,輕騎下步伐有勁跑第二,由於雷神冇全力催策,所以輸馬頭位畀冠軍「包裝鬥士」;而「醒目名駒」就跑第三。
賽後大摩急急腳,跟隨「步步友」返機坪觀察佢嘅一舉一動,並向雷神查詢隻馬的反應,之後又接受訪問,大摩話很滿意「步步友」今課表現,但隻馬目前狀態只有八九成,估計去到英國後會逐漸達到十足水準,但問題是馬兒要先飛杜拜再去英國,有21小時航程,少少擔心牠期間會受到感染病毒。而「步步友」將於本周末快跳一課,當晚就啟程起飛。而屆時主要對手將是世界首席灰馬、杜拜草地大賽及法國伊斯巴翰錦標盟主「經濟學家」。
「步步友」如勝出女皇安妮錦標,將成為繼05年「好望角」勝出金禧錦標及2012年「小橋流水」奪皇席錦標後,第三匹揚威英國的香港馬。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載