› 選擇地區
三藩市
紐約
洛杉磯
其他美國地區
香港 台灣 北美
 
2015年06月17日

想發想旺財?咁就要捧呢類馬

跑到季尾,未交代馬鬥志一般都會比季內贏過嘅馬高得多,如剛戰便有「春意溢然」、「勇士勁」、「琪麟穎」取得季內首W。今晚谷草夜賽當然亦有不少同類馬分子列陣,尤其近仗可上名而始終未贏過之馬,更值得大家優先留意。
今晚共有七駒於上仗上名而季內未曾交出頭馬,最有追捧價值必然是頭場「路路發」,轉投孫廐已跑過三仗,其中兩仗上名,可見操養手法更勝上手馬房。今晚最大優勢係排到二位起步,查今季此駒曾四度抽三檔或以內起步,總共取得一亞兩季成績,反映此駒排內檔起步威力更大。加上孫達志仲未上岸,鬥志絕無疑問,縮程跑1000用爆一段跑法,直路上一衝過晒絕不出奇。
第五場「威旺財」亦是另一匹季內上過名而未交代之馬,而連埋同主馬「常旺財」及已退役之「多旺財」在內,馬主馬會董事郭志桁季內亦只拉過一場頭馬而已,肯定未夠喉;難得「威旺財」轉投文廐後即可於上仗上名,證明比上手馬房養得更好,季尾對手各有不足下,有力借勢取得季內第一W。
第三場「福勵」法國自購馬上仗在巫斯義胯下爆26倍冷腳,北半球馬已開始成熟,轉戰谷草2200米一樣可應付,最主要仲係阿巫已不申請下季牌照,現階段鬥志肯定更旺盛,同場對手不多,有力憑此駒增添頭馬。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載