› 選擇地區
三藩市
紐約
洛杉磯
其他美國地區
香港 台灣 北美
 
2015年06月23日

太不公平吧!個天咁樣幫一位騎師

今期(24日)快活谷賽事,只得兩位騎師跑足八場,就係雷神同郭能,其中雷神嘅「花紅」、「優勢」等都係新近上名馬匹,騎師王彩池買佢,肯定熱到燙手。不過半冷揀郭能其實有得諗,一來座騎滿額,二來個天都幫晒佢。八匹胯下馬中,其中六匹「日月光華」、「福駿寶」、「駿擊快車」、「獅鷲」、「誠信寶駒」及「帝國勇將」排一至三檔;「萬馬奔騰」五檔亦唔錯,最差「珍珠有利」都有六檔。郭能本月初贏「聰敏不凡」之後靜咗落嚟,最近又停賽,難得今次咁好手氣隻隻靚檔,唔搏甩髀就假咯!
最值得重視係一檔之時廐馬「帝國勇將」,上半季近乎冇跑過,今次只係久休復出第三戰,季尾不少對手已疲,佢就體力充沛。上仗同程谷草1200米大冷追入第四,反映狀態開始回勇;此駒曾兩勝二班賽,包括擊敗級際賽盟主「一寶」,一旦重拾戰鬥,今次呢批三班對手絕對唔係佢手腳。今朝晨課亦有動靜,只見練馬師霍利時喺馬房閘口,捉住郭能傾咗好耐,遲遲唔放佢走,擺明對今戰高度重視,就算唔買郭能騎師王,「帝國勇將」都應該睇高一線。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載