› 選擇地區
三藩市
紐約
洛杉磯
其他美國地區
香港 台灣 北美
 
2015年06月24日

估佢唔到!遺材賽原來咁易玩

雷神莫雷拉今季頭馬數字破晒香港紀錄,咩賽事騎咩馬,佢都有本事贏,神級騎師當之無愧。今期(24日)谷草編有兩場特別條件賽,所有參賽馬季內都未贏過,水鬥水場合,揀馬原本有啲棘手,不過一見到雷神分別騎「花紅」同「威利飛越」,精神當堂為之一振,事關佢近十一匹限未勝馬賽座騎,拎到四冠五位,上名率82%,買雷神WP收錢機會極高!
第三場「花紅」來自已經連勝三個賽日之蔡約翰馬房,蔡廐近排專贏三、四歲生力軍,三歲之「花紅」近七戰只兩次冇獎金,上仗14檔起步耗力搶放,都捱到季軍,水準唔曳,今勻轉跑谷草打王牌用番雷神,擺明想求突破,本身有一定前速,特別適合C加3欄,配合騎練當旺,可望借勢開齋。
第六場徐廐「威利飛越」埋門至由雷神過檔,操完佢冇推庄,證明馬有吸引力。唔講大家可能唔知,徐廐近兩季四次派馬角逐谷草一哩限未勝馬賽,獲兩冠一亞一季,「威利飛越」吼準同類賽事上陣,有力脫穎而出。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載