› 選擇地區
三藩市
紐約
洛杉磯
其他美國地區
香港 台灣 北美
 
2015年08月21日

點解嘅?
梁芷珊搞飯局 竟唔准朋友食嘢

才女梁芷珊後生嗰陣拍過劇集《他來自江湖》,做黃秋生女友,家陣就係羅傑承太太、足總董事、商人、保良局總理、馬主,咁多身份自然多應酬,但梁芷珊話約朋友飯局,自己卻唔畀對方食嘢,點解咁霸道呀?原來嗰個朋友就係騎師潘頓。

梁芷珊解釋說:「馬主與騎師相約出來離不開飲飲食食,偏偏潘頓很易增磅,而且又很愛吃。我們擔心他食完減磅辛苦,所以不准他吃,有時也會作弄他,以食物引誘他。」

除咗飯局,梁芷珊亦會約潘頓出來遊船河,但原來亦係為咗潘頓體重着想。梁芷珊解釋說:「上月我想約潘頓及其太太Nicole等吃晚餐,但第二天潘頓需要出賽,因此改為約早上遊船河,讓他可以多些時間排水,應付翌日賽事。」

講番馬仔,梁芷珊當初購入團體馬「點解」,原來全因為潘頓推薦。「潘頓對我表示曾騎過『點解』的父親,他指這兩駒的樣子極為相似,他指『點解』有潛力,我信任潘頓,於是二話不說在拍賣會買入此駒。」而潘頓果然冇老點梁芷珊,「點解」至今12戰已攞到4冠1亞5季,戰鬥力強勁,而且仲有唔少進步空間,好大機會殺到上一班。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載