› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

【撐自己人】女足為港隊給力
預測撼中國坐和望贏

只要是香港人,就一定撐!9月3日「中港大戰」一觸即發,港隊為備戰這場硬撼國足的2018世界盃外圍賽已準備就緒,出發前更有同樣代表香港的女子隊打氣,期盼男足明日取得滿意戰果!
記者:趙永傑 攝影:馮峰

身處C組的港隊目前兩戰兩勝排榜首,明日便於深圳寶安區運動場硬撼中國,女足早前於操練中不忘為男子隊打氣給力。女足主教練陳淑芝說:「作為教練,我反而唔會將個結果睇得咁重,球員嘅表現重要過戰果。我相信男子隊已準備得好好,我祝佢哋好運!」

女足近期成城中熱話,事關三位女將陳詠詩、劉夢瓊及張煒琪剛剛衝出香港,正式加盟日乙球隊日本足球學院。球隊暫時缺少三位主力,但女足仍要為11月的越南邀請賽而積極備戰,陳淑芝續說:「我哋操咗幾課,狀態有待提升,啱啱又有三個球員去咗日本,香港隊都需要加啲年青球員入隊。」

女足助教黃若玲(Betty)則認為,球隊仍有不少具經驗的女將坐鎮,當日操練對U19隊射入唯一入球的中堅劉潤兒,便被Betty點名提拔。盤扭技術厲害的潤兒說:「我都有向打中堅位嘅男足成員學習,覺得虎哥(李志豪)踢得幾好。我希望男足可以打和中國,因為我哋支持香港隊嘛!男子隊,加油!」

陳詠詩、劉夢瓊及張煒琪取得空前成就,成不少女足隊員奮鬥目標,當中被Betty視為「未來之星」的後衞賀允同,年僅19歲卻位置感一流,甚有大將之風。阿妹說:「我係啱啱提升上嚟senior隊,希望跟到大隊節奏同水平,嚟緊都想出國發展,但要更努力啲。我覺得男子隊嘅盧均宜踢得好好,又助攻又防守;希望佢哋可以同國足打和,最好就梗係贏波啦!」

相關新聞:外闖天下:國足外流兵買少見少

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載