› 選擇地區
三藩市
紐約
洛杉磯
其他美國地區
香港 台灣 北美
 
2015年09月02日

栢案驚奇:體育記者前的高牆 - 方栢翹

近日面書有兩位曾任多年體記的朋友,不約而同post了兩段話(節錄):「10年前入職只9,000元,幾乎每月清袋,但那時還有年輕的本錢;體育版人腳鼎盛,每日出紙六版……可惜歲月無情,新媒體出現令傳媒翻天覆地,體育版越縮越小……離開,是唯一的決定……」
「有『朋友』對由做體記轉為賣球衣的我有點鄙視,認為我折墮……以前的路,我早就見有道牆,無路向前……終於用上一年,慢慢為自己開出一呎路……畢竟,我都要為一口飯設想……」
運動員靠體能,約30歲便要諗「轉行」;原來香港做體記都要30歲掛靴?你可能會話「香港體育文化弱,冇錢搵、商家佬唔落廣告,從業員梗係冇行!」對!這是事實,但只是事實的一部份。
其實揀得理想,都不會介意收入少啲、享受少啲,生活安穩就夠。試想:如果屋租平啲,只需數千蚊,咁體記就算搵錢唔多,都可能夠使;做運動員收入不高,都可能夠生活,或許就有更多人投身體壇。撐遠啲,搞音樂、搞藝術,同樣道理。更多人投身自己喜歡的工作,便越易有成績,行頭就越做越大。
不過,香港住屋成本就係世界第一!所以做記者,都應做財經記者;做公關,都應做財經公關,總之向錢看先有前途;想揀理想工作?係會被視為「不務正業」!香港的金融地產,到底是養活的人多,還是扼殺的人多呢?
方栢翹
now足球評述員

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載