› 選擇地區
三藩市
紐約
洛杉磯
其他美國地區
香港 台灣 北美
 
2015年10月10日

八戰五冠兩亞!
馬主:我隻馬身價好平咋

星期六(10日)沙田馬場將有一場激戰,就是第八場二班1400米賽事,八戰攞到五冠兩亞嘅「包裝奔馳」,出咗名後勁強橫,經常幾步之間就將對手彈甩,今次佢將首次遇上另一匹後勁王「華恩庭」,後駒上次贏馬姿態亦好驚人。
有趣嘅係,「包裝奔馳」同「華恩庭」都係雷神莫雷拉嘅慣性座騎,結果雷神今次揀咗「華恩庭」,「包裝奔馳」嘅馬主理文造紙老闆李文斌,有冇嬲咗雷神呢?他說:「咁我覺得冇問題吖,我哋依家都有潘頓騎,大家有各自嘅選擇係好正常嘅!」
講就咁講啫,「華恩庭」比較年輕力壯,家陣「包裝奔馳」仲要冇埋雷神,李文斌驚唔驚呢?
「『包裝奔馳』今年更加放鬆,更加識留力,隻馬有進步嘅!面對『華恩庭』甚至乎將來更強對手,冇得驚嘅,一定撞嘅,希望可以跑贏啦,自己隻馬狀態都好好,都會跑出好成績!」
姑勿論今場誰勝誰負,李文斌能購入「包裝奔馳」其實已經贏咗,隻馬暫時已攞到465萬港元獎金,而且遲啲可能會有另一筆額外獎金。
李文斌說:「我記得『包裝奔馳』應該只係以十零萬紐元喺拍賣會購入,希望佢贏埋一班賽事,淨係嗰100萬港幣特別獎金,已經夠cover個馬價。」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載