蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年10月10日
馬上成為壹會員

巨胸女騎馬人X小姐
賽日將亮相等睇好戲

大家有冇印象,本報講過全港最巨胸女騎馬人Xaviere,上季尾曾穿低胸藍色長裙入場,呢位法籍美女本周六(10日)將再次入場等睇好戲,在亮相圈力撐佢自己打理的「電子鳳凰」,角逐第三場四班1600米,希望隻馬如鳳凰般展翅高飛,做齣好戲開齋。
出名臭脾氣的「電子鳳凰」上季經常在閘廂搞搞震,但上月底試1200米泥閘大有進步,在閘內表現乖巧,起步順利,留前鬥後,鞍上人田泰安在最後直路稍稍推騎,馬兒立即加速大步湧上,輕鬆追入第二名,走勢十分悅目。
針對「電子鳳凰」的情緒問題,田泰安和X小姐付出大量心血和時間教馬,隨馬兒逐漸成熟,脾氣大有改善,田泰安話對今仗非常期待,他說:「『電子鳳凰』有長力,今仗季內初出跑1600米唔會有問題,遲啲增程爭1800、2000米威力可能仲勁。我要感謝Xaviere,屆時佢喺亮相圈打氣幫助會好大,因為『電子鳳凰』同Xaviere係親切的好朋友,隻馬見到Xaviere情緒會更加淡定,唔會好似以前咁易驚青。」
八十後索女X小姐是泰拳和柔道高手,策騎經驗亦豐富,曾喺法國做見習騎師,掛靴後先後在當地、英國新市場和杜拜等地擔任騎馬人,約一年前來港工作,這日(9日)X小姐親自為「電子鳳凰」作最後備戰踱步,不時輕拍馬頸,在她的心目中「電子鳳凰」仍是BB,需要付出愛心、關懷和鼓勵,才能建立自信心。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載