› 選擇地區
三藩市
紐約
洛杉磯
其他美國地區
香港 台灣 北美
 
2015年10月14日

真係棄騎黑衣巨人!
雷神二級賽另有所愛

這天沙田晨課的焦點,當時是第一組1000米草閘,14匹出試馬中,包括9匹過百分的頂班馬,其中應屆馬王黑衣巨人「步步友」由田泰安出試,而非慣性好拍檔莫雷拉,因此更受注目。
「步步友」上個月停過課幾日,呢日係佢季內首度試閘,起步唔算快,不過冇耐都叫做跟上馬群,全程守中後位置,在田泰安胯下按住大步跟跑完成得第8,冇乜鋒芒但亦唔算差。
當試完閘後,大摩在機坪接馬,輕摸「步步友」馬頭,盡顯愛惜之情。大摩指出「步步友」將於本月25日1200米二級賽精英碗復出,由於雷神已答應繼國慶盃後,喺精英碗再騎東廐馬「幸福指數」,因此「步步友」屆時會易配田泰安。
雖然「步步友」試閘只得第8,但大摩表示對佢嘅走勢感滿意,目前健康和狀態均已復上正軌,部署與上季相若,目標是蟬聯香港一哩錦標。大摩強調「步步友」仍是上季的「步步友」,不減王者風範,有信心令佢牠重振雄風喎!
講番呢組試閘,洪金寶愛駒「崇山寶」發揮一貫高速,在楊明綸胯下一放到底奪勝,「喜寶駒」用蘇狄雄全程第二過終點。上仗易配潘頓出賽的「誰可拼」,今日喺呢組閘用番韋達跑第三,殿軍就係「天久」,而這組原配雷神試閘的「瀟洒兄弟」,因雷神遲到換上黎海榮主試。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載