› 選擇地區
三藩市
紐約
洛杉磯
其他美國地區
香港 台灣 北美
 
2015年10月14日

被彈騎功退步!
霍勵賢自爆 曾去大埔減壓

南非騎師霍勵賢2012至13年度馬季曾來港策騎,勝出唔少頭馬,當時更夥拍「愛跑得」捧走1200米二級賽精英碗,公認係騎得之人。但今季霍勵賢崔護重臨,莫非真係希望越大失望越大?佢喺上月九日開鑼谷戰贏「愛寶」,算係好快開齋,點知其後搏極唔贏,一直食白果,期間仲有幾匹熱門輸得頗難睇吓,其中「縱橫大地」輸完一換雷神,就贏條街返嚟,令霍勵賢更成箭靶,惹來大堆閒言閒語,甚示有人大彈他的騎功退步,睇淡其在港的發展前景。
對於咁嘅批評,霍勵賢直言全部聽過,仲自爆自己自小熱愛海洋,心情低落的時候鍾意到海邊吹吹風,最近就曾到大埔大尾篤一帶逛逛減壓。
霍勵賢EQ高,散心過後便集中精神操馬,據知兩位南非同鄉廐主霍利時和苗禮德仍力撐佢,未來幾個賽日會提供不少座騎,而姚本輝旗下近兩仗由霍勵賢操刀,喺一哩跑獲第五和第四名的「寶正寶」,將於周三(14日)再配霍勵賢爭尾場三班1800米,騎者話明隻馬跑呢個路程更合,只有一點稍為擔心,他說:「今場抽一檔好多人話係黃金檔位,但『寶正寶』步幅大而均速,估計『友瑩養』同『大威力』等馬將喺外側切入搶前,令『寶正寶』可能喺內欄緊逼空間下競跑,受困跑得冇咁舒服,但計馬就FIT過上仗,佢本身放又得,跟喺三、四位都得,到時自己執生啦!」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載