› 選擇地區
三藩市
紐約
洛杉磯
其他美國地區
香港 台灣 北美
 
2016年01月06日

體壇拾趣:兩強敵no show
慧詩主場鍊郭爽

慧詩(右)同郭爽(左)兩位倫奧凱林賽獎牌得主,今次會喺香港單車館再次較量。

「2016,奧運年,feeling excited!」終於踏入2016奧運年,連香港「女車神」李慧詩(Sarah)都忍唔住喺fb寫番句「好刺激呀」,更刺激係下星期五(15日)起一連三日,佢會第一次喺香港單車館出戰世界盃場地單車賽;美中不足係部份勁敵,包括澳洲美雅絲同德國「女警」禾高都冇報名,反而上月喺新西蘭站凱林賽決賽撞跌Sarah嘅南韓車手李慧貞同中國勁敵郭爽就榜上有名,車迷記得入場撐Sarah!
香港站係15/16年度世界盃嘅第三站,亦係壓軸一站。喺今季頭兩站,Sarah只得舊年11月喺哥倫比亞首站贏得一面爭先賽銅牌,原本上月喺新西蘭站凱林賽殺入六人決賽有機會攞牌,點知臨尾150米俾南韓李慧貞撞跌,最後只得第五。
香港站世界盃係里約奧運倒數第三個搶分賽,禾高目前喺爭先賽分數暫列第二,佢同凱林賽排第二嘅美雅絲夠晒分去里奧,所以玩少一站都無傷大雅,至於凱林賽暫列第四、爭先賽第六嘅李慧詩,香港站最大勁敵估計係郭爽同林俊紅兩位中國車手。

卡雲迪殊落實來港戰全能賽

今次總開支約1,000萬港元嘅世界盃,亦吸引到38隊國家隊同七支職業車隊、近300名選手訪港,包括英國環法名將卡雲迪殊(Mark Cavendish)都會參加男子全能賽,以及倫奧女子團體追逐賽同全能賽雙金得主卓爾(Laura Trott)。比賽最後兩日(16至17日)票價120至300港元,現正於快達票有售。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載