蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年01月07日
馬上成為壹會員

你鍾意悶悶哋咁贏
還是好刺激咁輸?

馬會嘅騎師王彩池,即係落注估邊個騎師成績最好,估中全日得分最高的騎師就中彩。
由於雷神莫雷拉獨大,今個馬季佢參加過29次賽事,喺騎師王勝出20次,唔買佢往往冇錢收,但買佢往往得1.1倍賠率太低,搞到好多馬迷話唔好玩,個彩池太悶喎!不過,博彩呢樣嘢,你會揀悶悶哋咁贏,定好刺激咁輸呢?
「萬事勇」馬主伍燕梅就話:「我寧願選擇第二個囉(好刺激咁輸),我鍾意刺激囉,未必一定輸嘅,刺激都有贏面!」
「瑰麗傳奇」馬主文壽強就有唔同睇法:「我揀悶悶哋贏錢,初頭入行賭錢都鍾意刺激地輸,最緊要刺激,但玩得耐自然最終都係想贏錢。」
當然啦,有啲馬迷鍾意其他騎師,但原因幾特別。記者:「你有冇買騎師王?」馬迷鄧先生:「潘頓囉,我長期買佢,因為佢個女遲我一日生日。」
唔少聲音認為騎師王彩池需要改革,馬評家方駿暉就話:「馬會應該好似讓球主客和足智彩咁樣,莫雷拉讓分,譬如讓20分,令到買莫雷拉有好啲賠率。」
即係話就算全日雷神攞到36分最高,排第二潘頓得24分,但因為雷神讓20分,最終騎師王勝出者會係潘頓,咁樣改革大家認為work唔work呢?

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載