› 選擇地區
三藩市
紐約
洛杉磯
其他美國地區
香港 台灣 北美
 
2016年01月20日

女馬評家珊翠絲
大爆愛駒獲猛人睇中

曾經為本報及有線電視擔任馬評工作多年嘅珊翠絲,亦係保險界猛人,佢仲有個特殊身份,就係本港首位女馬評家,躋身馬主行列。
點解有興趣養馬呢?珊翠絲說:「有一班朋友,平時都成日出嚟飲飲食食,如果大家養到一隻馬,開心囉。我搵咗一啲朋友組成個團體,嘗試抽馬,我哋有九份人嘅。」
珊翠絲隻愛駒「心好事成」最初冇乜表現,但有次大冷門跑到季軍,已帶挈佢哋贏錢。「大家都買啲(投注)例飛,有啲朋友都覺得死梗,你隻馬唔得,但都支持,結果買100蚊都中4000幾蚊。」
「心好事成」之後越跑越好,兩次喺濕軟嘅場地上取勝,成為高班馬一份子,嚟緊禮拜三佢又再上陣,天文台預測周三有雨,老老實實今次贏唔贏得先?「佢淋地又好啦,因為會削弱到對手,我哋都想落雨嘅!」
珊翠絲仲大爆連冠軍級騎師莫雅都睇中「心好事成」,令華將梁家俊冇得騎呢隻馬。「本來好似想搵梁家俊騎嘅,孭輕磅,但根據沈集成(練馬師)講,唔知真唔真啦,佢話莫雅打電話嚟話想騎,咁沈集成就畀咗莫雅騎!」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載