› 選擇地區
三藩市
紐約
洛杉磯
其他美國地區
香港 台灣 北美
 
2016年05月01日

SUNDAY FEVER:黎明嘅體育精神 - 馬啟仁

Hello黎明哥哥,我覺得最近有少少like你喎!
鍾意就鍾意,唔鍾意就唔鍾意,唔好講咩like。
OK OK,不過點解鍾意你其實我又講唔出,幾肯定唔係因為你嘅歌,雖然你啲歌易上口程度拍得住兒歌。亦唔係因為你個look,尤其係你個髮型十年如一日,好悶囉。
其實當年我去英國讀書已經係咁,呢個係我嘅習慣,如果魚柳包裏面嘅魚柳變咗就唔係魚柳包。
嗱,有人話就係鍾意你夠真,有嗰句講嗰句,真情呢味嘢喺𠵱家嘅香港,真係好耐冇見。
唔好理人哋點睇啦,反正無論你係好人定賤人,都會有人覺得你賤。得到大家支持我好高興,但我未必要討好佢哋!
又唔好咁講,你處理個show前後嘅表現本身係好有大俠feel,話時話其實你扮過原振俠喎,孭得起跪得低呢隻胸襟家陣喺香港買少見少!
男人呢,醜,冇罪,冇才華先有罪。有外表、又有才華,仲要保持上進心,累積實力,先可以保持男人嘅身價。
咁講我哋做男人嘅壓力都幾大喎,咁不如講番啲運動嘢,你覺得熱刺有冇機會追到李城?
左手又係肉,手掌又係肉,獎只得一個,唔知點決定。命運安排屬於邊個就邊個。
咁點睇李城呢隊神話呢?
坎坷過後有艇搭!
六月嘅歐國盃,英格蘭機會大唔大呢?
好多事可遇不可求,通常有目的有意識去做都唔會成功,反而隨意做可能有意外之喜。
對於運動場上嘅贏家,有咩忠告?
要贏人,先要贏自己。

文:KEYMAN

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載