› 選擇地區
三藩市
紐約
洛杉磯
其他美國地區
香港 台灣 北美
 
2016年05月15日

體壇拾趣:恭喜!娜姐又有喜!

前中國網球一姐李娜喺上星期五公佈,自己已經懷咗第二胎;由於李娜嘅大女Alisa喺舊年六月出世,唔到一年嘅時間又再有咗,真係三年抱兩。
喺舊年年底,李娜就對外公佈自己想生第二胎嘅計畫,而娜姐果然同佢做運動員嗰時一樣咁果斷,坐言起行,喺上周五喺微博正式宣佈,自己已經懷上二胎。佢喺微博上發佈一張好溫馨嘅圖片(小圖),仲寫住:「想想再過不久這畫面就要成真,幸福感爆棚。」只見圖片中,兔媽媽左右手環抱着兩隻小兔兔,一切都講明咗李娜又有喜喇!娜姐喺舊年六月先迎來大女Alisa,估唔到一年未夠又成功懷上第二胎,三年抱兩,佢同老公姜山認真快手。據悉,李娜喺幾個星期前確定懷孕,而佢同姜山參與嘅運動真人show節目《超人來了》將會喺今夏里約熱內盧奧運後播出,面對上天嘅恩賜,李娜就好激動咁話:「想到他/她會用一種非常奇妙嘅方式經歷呢一切,應該係最甜蜜嘅負擔。」

唔畀大女Alisa曝光

預料娜姐第二個BB,將會喺呢個節目播出之後出世,不過佢一向都好保護自己嘅小朋友,又講過唔想小朋友過早曝光;好似大女Alisa咁,只係喺出世嗰陣同大家見過面,仲連中文名都唔肯同傳媒透露,所以相信Alisa嘅弟弟或者妹妹,都一樣會收得好密。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載