› 選擇地區
三藩市
紐約
洛杉磯
其他美國地區
香港 台灣 北美
 
2016年06月01日

嘲諷定係稱讚?
蘇保羅:韋達起孖冇乜幾何!

練馬師蘇保羅近期手風甚順,頻頻贏馬,剛憑潘頓操刀嘅「錶之勝」為馬房勝出季內第46Win。
本周三(1日)快活谷賽事,蘇廐採取精兵制只派三駒上陣,不過蘇保羅話明仍會乘勝追擊,有信心續添頭馬進賬。
其中「勇冠王」初跑快活谷,爭第四場四班1650米,究竟原因何在?蘇保羅解釋說:「『勇冠王』後勁驚人,居四班肯定超卓,但2月上旬田草1600米開齋後,唔知點解為何屢戰未再有建樹,可能對場地失去新鮮感。所以我部署牠初跑谷草,希望帶來刺激,重燃牠的競逐興趣,加上快活谷對手較弱,有權重響勝鼓。」
出戰第三場四班1200米的「越跑越好」,季內連場由韋達搏殺未竟全力,得4亞1季而未勝,今仗續配由韋達冇換人。
蘇保羅幽默地表示:「『越跑越好』忠心準繩,今季四歲日益成熟進步,近兩仗均只以極短距離見負,已站在取勝邊緣,韋達雖然未贏過呢匹馬,但佢剛戰起孖,屬近年難得的情景,冇乜幾何,反映他狀態fit手風順,加上『越跑越好』今仗幸運地抽到一檔,我有信心韋達可以再大打爭氣波,為此馬開齋。」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載