› 選擇地區
三藩市
紐約
洛杉磯
其他美國地區
香港 台灣 北美
 
2016年06月23日

求驗客手記:
美國達標 奇哥未炒住

美國喺今屆美洲國家盃達標去到最後四強,之前受壓嘅教練奇連士文(左)應該唔使炒住,但係周二佢哋喺輸畀阿根廷0:4場四強戰,竟然錄得零射門,真係有啲肉酸囉。
美國雖則有主場之利,但實力弱過阿根廷好多,而且仲有三個主力艾真度比杜亞、鍾斯同埋波比活特停賽,輸波都係預期之內。但奇哥就話:「失咗第一球之後,我哋大聲叫入球場,叫班球員谷前啲,踢得體力化啲,最好踩埋對手腳趾。但佢哋踢得太斯文,搞到俾阿根廷完全控制戰局。」美國喺呢場四強戰,開波三分鐘就失波,而且仲要一腳射門都冇,講真都幾核突。

對阿根廷零射門真核突

奇哥仲話,希望可以定期同阿根廷呢啲強隊踢大賽,等佢哋可以提升實力。呢位51歲嘅德國籍教練話:「我希望年年都有呢啲大賽打,當你成日同強隊交手,就唔會踢得咁斯文,識得點去踢。雖然我哋俾阿根廷狠狠教訓咗一餐,不過我相信班球員應該學到好多嘢。」美國周六會同哥倫比亞或智利踢季軍戰,若然攞到季軍,就會超額完成。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載