› 選擇地區
三藩市
紐約
洛杉磯
其他美國地區
香港 台灣 北美
 
2016年07月17日

【馬場Ironman】
毋懼熱衰竭!騎師郭能個半鐘減三磅

38歲的愛爾蘭籍騎師郭能,自封為「Ironman」(鐵甲奇俠),但最初都冇乜人咁叫佢,直至上年2月及4月,他分別策「百勝不厭」、「駿穎」驚險墮馬,兩駒都陣亡一命嗚呼,人卻離奇冇事之後,自此打不死的郭能,就與Ironman劃上等號。
郭能表示,要保障陣上安全,最重要都係操FIT自己,他說大埔滘自然教育徑就是其後花園,每星期到訪兩次跑山焗汗,真係要將自己操到Ironman一樣。
郭能說:「即使夏天攝氏33度,我都穿長袖衫和運動長褲,再加一件風褸,普通行山友會覺得我好古怪,但我嘅目的正正就是想焗汗,一次跑個半鐘,每次都會減到 3磅,我喺上季尾(16年6、7月)保持住123磅,一跑完山就減到120磅。跑完返屋企飲杯咖啡味能量奶昔,賽馬日嘅朝早,我會再做多半個鐘頭gym,做一做帶氧運動,令肺部開氣,然後先至出場。」
除了長袖衫褲加風褸,郭能仲會全程戴埋鴨嘴帽,原來亦目的。他說:「因為大部份熱力都會經由頭頂散出,我想焗出最多嘅汗水,除咗有效減磅之外,仲可以令我適應夏天嘅高溫,大家都知騎師要長時間戴帽出賽,唔可以隨便除低,所以我跑山會全程戴鴨嘴帽,模擬一下,等身體早啲適應。」
不過奉勸大家千祈唔好學,唔係個個好似郭能咁骨格精奇,普通人咁樣跑,隨時搞到熱衰竭入院。

相關新聞:【馬場Ironman】總唔肯行先!郭能揭太太一個弱點

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載