› 選擇地區
三藩市
紐約
洛杉磯
其他美國地區
香港 台灣 北美
 
2016年08月25日

咖喱牛腩:
入座率低靠罰錢得啖笑 - 咖喱

西甲同英超邊個第一?相信球迷都有共識,喺商業發展上,英超無疑領先,而喺球隊實力上,西甲就有優勢。明明西甲喺歐洲足協嘅聯賽系數高過英超一截,但轉播費就唔夠英超高,西甲可能都覺得唔抵,都想諗吓計提升吓。
喺今季,西甲推出啲新措施,加強球賽可觀性,例如比以前公平少少咁分配轉播收入,增加中下游球隊嘅實力,呢項係值得一讚嘅。不過,有一項小弟係覺得雞毛蒜皮兼且自欺欺人嘅,就係處罰球場坐唔爆嘅球隊。
睇英超直播,見到看台人山人海,不知幾熱鬧,但西甲先天嘅入座率唔高。西甲同西乙家陣嘅平均入座率大概得四成多啲,超過八成嘅係得皇家馬德里同伊巴(圖),加埋得八支球隊係超過75%。有時睇西甲直播,鏡頭影埋去,觀眾坐得好疏落,見到空凳仲多過人。

鏡頭下入座率須逾75%

西甲認為鏡頭見到觀眾多啲,場面熱鬧啲,轉播權就可以賣貴啲。因此,今季規定每場聯賽嘅入座率都要75%。唔好意思,講漏咗,唔係整個球場容量嘅75%,而係鏡頭影到看台範圍嘅75%,如果入鏡嘅入座率唔夠數就要罰錢;萬一鏡頭影到坐唔夠一半,仲要罰雙倍!
先唔好講西甲點樣喺每個鏡頭數人頭,執行呢項條款,但動機上係自欺欺人,係一項面子工程。球場唔夠人氣,應該諗方法吸引多啲人,你派飛好,你派叉燒飯又好,送玫瑰都好,而唔係用埋呢啲遮遮掩掩嘅方法,鼓勵入場觀眾堆晒喺主機對面嘅看台,扮到人聲鼎沸。
文:咖喱

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載