蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月03日
馬上成為壹會員

和頭酒?潘頓葉楚航破冰
有中間人做和事佬!

練馬師葉楚航過去曾經大力支持澳洲騎師潘頓,兩人攜手贏過不少賽事。但自從潘頓3月策「琪麟穎」大熱門姍姍來遲僅跑第三後,雙方沒有再合作,晨課也鮮見這對騎練傾談。

直至日前潘頓恢復為葉廐操馬,上月27日沙田嘉年華試閘,亦見潘頓策葉廐「勁飛勁」出試,並以強勁走勢跑第一。不過開鑼戰排位表一出,「勁飛勁」於第七場三班1000米配韋達,潘頓則為同場高伯新之「要風得鋒」主轡。潘頓重獲航哥關照,理應極之珍惜,為何推庄「勁飛勁」呢?原來潘頓一早答應騎「要風得鋒」,所以同航哥講「唔好意思」,希望航哥諒解。

其實兩人關係肯定已好轉,「軍事出擊」馬主梁芷珊和其丈夫羅傑承是和事佬。梁芷珊說:「我們曾與航哥閒談,他說渴望爭取更好成績,我們就話你需要多些好騎師,才可達成目標。航哥嘆謂『我同潘頓都冇合作啦!』我們於是安排在中環設宴,讓航哥、潘頓吃餐飯,大家合作番!」結果除了相關人士,吳國敬等人亦有出席,成功令這對騎練破冰。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載