› 選擇地區
三藩市
紐約
洛杉磯
其他美國地區
香港 台灣 北美
 
2016年10月20日

千嬅愛駒脫腳追唔切!
潘頓搭雷神Q 冷到難以置信

潘頓近期識輸唔識贏,搞到網民媽聲四起。所謂知恥近乎勇,呢位本港前冠軍騎師,這晚終在快活谷重新進入凱旋門,佢於第三場四班1200米復策呂健威馬房「勁有波幅」,12檔起步一早守好位,直路望空一衝過晒,單Win及組合獨贏A3分別派79及19.5元。「勁有波幅」在港開齋,潘頓亦取得個人近三次賽事第一Win。

「勁有波幅」上季評二班82分開始在港出賽,當時有一定名氣,身價亦應唔平,不過卻跨季連輸12場一次上名都冇,令人有啲名大於實之感。馬主傅果權係資深華人騎師鄭雨滇的主要支持者,此駒過去亦多次由滇仔策騎出賽,如今滇仔正值停賽三個月,幕後找來上季騎過的潘頓出擊,人馬合作克服12檔,很快切入沿途前置,拉士掟甩對手個半馬位率先衝線,傅果權本人今季首次拉頭馬,呂健威亦告季內首勝谷戰。

今場二至四名順序為「野孩子」、「特務飛龍」及「星際武士」,四重彩派五萬八千幾。

其中天后楊千嬅家姑黃淑貞名下馬「野孩子」強配雷神因11檔冷到17倍,出閘脫腳沿途包尾,直路雷神左穿右插姍姍來遲入Q,頭二馬「勁有波幅」、「野孩子」潘頓搭雷神兩大神級高手Q竟有82倍,都算異數。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載