› 選擇地區
三藩市
紐約
洛杉磯
其他美國地區
香港 台灣 北美
 
2016年11月15日

黑衣巨人與巴基之星
並非真兄弟?

不少馬迷都認為絕世好馬「巴基之星」實力深不可測,而牠的同父異母哥哥,綽號黑衣巨人的香港前馬王「步步友」,戰績就更厲害。

「步步友」贏過多項級際賽,經常喺陣上行過對手,但「步步友」同「巴基之星」算不算一對出色的兄弟,其實有啲商榷餘地。因為馬匹係一個母系社會,野生公馬唔會留在伴侶身邊,而會周圍搵雌馬打完種就走,父馬同佢嘅子女,往往一世唔會相認。同父異母馬叫quarter brother,育馬者一般唔會當為兄弟;相反同母異父馬即half brother,以及同父同母馬full brother,先至算兄弟姊妹。

講番「步步友」,曾因傷返回出生地澳洲休養成半年,點知九月飛返香港後又遇意外,有天喺隔離營外踱步之時,有架大貨車經過發出巨響,嚇親「步步友」,將騎師拋下,隻馬亦撞到硬物受傷,好彩現在已經康復,並將於周日(20日)一場二級賽1200米馬會短途錦標復出上陣。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載