› 選擇地區
三藩市
紐約
洛杉磯
其他美國地區
香港 台灣 北美
 
2016年12月09日

唔一定紅褲子出身!
榜首練馬師蘇偉賢做過地產經紀

今個馬季展開咗三個幾月後爆出個冷門,就係龍虎榜帶頭嘅竟然係蘇偉賢,蘇偉賢升做練馬師只三年,佢最出名就係表情豐富,但原來訓練馬匹亦咁有料到。

大家唔好以練馬師一定係紅褲子出身,蘇偉賢固然唔係,而退休多年的簡炳墀,未練馬之前做過輔警,另一位退休練馬師陳毓麟仲巴閉,N年前曾考入中國空軍,揸過戰鬥機㖭,所以佢有個花名叫「飛機陳」。

至於蘇偉賢入行之前職業,唔講大家未必知,原來佢年輕時曾經響美聯物業做過幾個月地產經紀,當時有位同事叫易國良,勢估唔到多年之後,蘇偉賢成為練馬師,易國良就做咗個馬主,易國良嘅愛駒「喜得福」上季更喺蘇偉賢馬房勝出,世事的確無奇不有。

家陣啲地產經紀成日因為搶生意打大交葉問上身,成為害群之馬。蘇偉賢都好鍾意郁手郁腳,不過就係玩爬山單車同游水,佢平時響馬場贏馬後成個大細路咁,份人充滿passion,俾我係馬主,都想同佢合作啦!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載