› 選擇地區
三藩市
紐約
洛杉磯
其他美國地區
香港 台灣 北美
 
2016年12月14日

唔講波唔講馬!
桂神:雷神同我傾人生哲學

大家見到皮蛋黃(黃興桂),梗係諗起足球啦,但佢同馬圈人士亦行得好埋,係冠軍騎師雷神莫雷拉嘅好朋友。兩個成日約埋一齊出嚟踢波。

黃興桂說:「佢(雷神)會打電話畀我,問我幾時有波踢呀?幾時有波睇呀?佢同我傾偈係傾人生哲學、宗教。啲人話皮蛋王你同雷神咁老友,實係希望喺賽馬方面搵到啲着數,但其實做人最緊要冇心術。」

雷神騎馬出神入化,咁佢踢波又點呢?桂神話雷神係巴西人,有基本技術,隻黃金右腳非常厲害,球技有香港甲組水平,但唔夠料踢港超聯,因為雷神身輕細粒,同啲大大隻嘅職業球員相撞好吃虧。

桂神又話自己同賽馬嘅緣份始於10歲。當時佢爸爸同練馬師蘇偉賢爺爺住樓上樓下,自己偷聽佢哋兩個講馬經,覺得啲馬名「空中霸王」、灰馬「螢火」等好有趣,自此愛上賽馬。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載