› 選擇地區
三藩市
紐約
洛杉磯
其他美國地區
香港 台灣 北美
 
2017年01月20日

【賽馬小百科】
純種馬究竟係乜東東呢?

香港所見的競賽馬全部都係純種馬,聽就聽得多,咁純種馬係咩嚟呢?原來就係為咗賽馬而刻意培育出來嘅品種。

喺好耐好耐以前,大約17至18世紀,有三匹馬為叫做拜耶爾土耳其、達利阿拉伯及高多芬阿拉伯,俾人由中東賣豬仔運咗去英國配種,咁就搖身一變成為純種馬嘅三大始祖。

純種馬外表同其他品種相比,頭就細啲,肌肉發達啲,身形又高大啲,四隻腳又長啲同幼啲,呢埋特點加埋咪可以跑得快啲,但只能維持幾分鐘,應該同你煮一個杯麵時間差唔多。

正因為佢哋四肢又幼又長,所以特別容易受傷斷腳,導致喺比賽期間周不時出現斷腳而墮馬事件。仲有一件事,其實牠們是非常膽小同對周圍好敏感,好容易被嚇親,而網上就流傳咗條片,紀錄咗佢哋受驚時會周圍跑嚟跑去,認真趣致。

其實大部份馬都好乖好溫馴,甚至能夠明白我哋講啲咩,馬仔平時就是靠對耳表達自己。情緒向後平放,代表不開心;雙耳豎起表示很開心同埋對周遭事物感興趣;若朝向前方代表好奇;如果一隻耳向前一隻向後就代表疑惑。

馬仔同我哋人類同樣都喺有靈性,只要接觸時多些了解佢哋嘅需要同感受,大家好快就做到朋友啦!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載