› 選擇地區
三藩市
紐約
洛杉磯
其他美國地區
香港 台灣 北美
 
2017年01月28日

嘉琦BB化身花車小天使
大年初一向大家拜年!

女見習騎師嘉琦BB蔣嘉琦出道以來,呢兩年唔單止受馬迷歡迎,就連馬會都好鍾意呢位萬人迷,不時搵佢做生招牌幫手推廣賽馬。

之前馬會招聘新見習學員,嘉琦BB以師姐身份撐場,開季嗰陣馬會又搵佢參加分享會,而佢自己亦周不時應馬主或練馬師之邀出席飯局聯誼。

明日大年初一(28日)花車巡遊呢項大型賀歲活動,馬會都搵咗嘉琦BB同香港馬術隊成員梁巧羚做主角,同各位市民拜年,全因嘉琦BB又騎得、又睇得,天生甜美可人,一眾男子漢騎師唔恨得咁多!

講番今次花車巡遊,除咗睇架車坐咗咩人外,架花車本身當然亦係主角。馬會話今次運用咗中國傳統的鏤空藝術,融匯現代LED燈,呈現出古今融和、光影交錯的多角度觀賞效果,而花車上面仲整咗隻金光閃爍的駿馬雕塑,寓意繼續貢獻社會與香港人共創美好未來。

一句到尾,如果一眾琦粉想近距離同嘉琦BB打個招呼,甚至捕捉機會同佢合照,就唔好唔記得明日去尖沙嘴趁吓熱鬧啦!

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載