› 選擇地區
三藩市
紐約
洛杉磯
其他美國地區
香港 台灣 北美
 
2017年02月17日

【毛色揭秘】全港咁多賽駒
一隻白馬都冇?

白色一直係尊貴、純潔嘅代名詞,俗語話一白遮三醜,唔少人畢生追求美白。

喺賽馬世界,亦有人特別鍾意白色賽駒,貪佢哋夠罕有,可惜香港就無緣睇到真正的白馬。主因香港馬匹毛色,主流為四種,包括栗色、棕色、棗色及灰色。

唔少人會混淆灰馬同白馬,喺香港睇落似係白馬嘅賽駒,全部出世紙紀錄其實係灰馬。但呢啲灰色賽駒,會因為年老,毛色漸漸變白。

好似兩屆香港盃冠軍「加州萬里」,啱啱來港時毛色係灰灰哋,到臨近退役已成身白晒;但佢真正身份仍係灰馬。

咁點先係白馬呢?有些書籍指分別在眼睛,眼睛顏色較黑便是叫灰馬,眼睛粉粉哋先叫白馬,而白馬喺外國先有。

不過,明明馬匹毛色以深色為主,點解有白色馬出現呢?原因馬毛好似人類毛髮咁,按照本身基因決定。白馬擁有一種特別基因,能夠稀釋毛色。

不過在賽馬其實世界好簡單,無論乜顏色都好,只要贏到大賽同獎金,自然就係一匹優秀馬匹。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載