› 選擇地區
三藩市
紐約
洛杉磯
其他美國地區
香港 台灣 北美
 
2017年03月16日

鬼叫對手係雷神咩!
陳慧琳老竇功敗垂成

練馬師姚本輝這晚(15日)唔老利,在頭場及第四場同雷神合作熱門「志友運」同「盈豐駿駒」都做阿二。

到了第五場三班1000米,姚本輝同柏寶合作陳慧琳父親陳崇偉有份的團體馬「鑽石巨匠」,9.1倍出擊僅僅失手做二奶,仲要係輸俾雷神座騎「威風霸皇」(蔡約翰馬房),呢位華人練馬師可謂黑到冇朋友。

反觀「威風霸皇」出奇地順利,12檔起步沿途留在馬群後,半條直路在雷神胯下後上一衝過晒贏頸位,季內第二次贏馬,超班實力表露無遺,單Win及組合獨贏A2分別派47.5及21元。

「威風霸皇」馬主係非常資深的滙豐團體,此駒之前由雷神騎過一次冇料到,只曾由羅理雅贏谷草1200米開齋,今仗與雷神重逢即勝,五歲新西蘭自購馬在港兩捷均贏谷草,沙田同泥地都未有上名紀錄。

第五場二至四名分別為「鑽石巨匠」、「旅遊多寶」及「電子群英」,四重彩派四萬四千幾。

雷神同蔡約翰攜手勝出「威風霸皇」之前,雷神已於第二場贏苗禮德馬房「威德將軍」,蔡約翰則有第三場「勁皇子」配柏寶建功,兩人各自起孖。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載