› 選擇地區
三藩市
紐約
洛杉磯
其他美國地區
香港 台灣 北美
 
2017年03月30日

大摩兩大愛將唔嚟得!
香港馬王焗住換人出擊

下月9日沙田有兩項國際二級賽上演,分別為1200米短途錦標及1600米主席錦標。

上述兩場大賽,毛里裘斯籍騎師田泰安都獲大摩力撐,將夥拍前馬王「威爾頓」角逐主席錦標,短途錦標就會騎新勝嘅「飛來猛」。其中「威爾頓」曾由田泰安贏過兩次,人馬合拍,今仗隨時交出好成績。

除咗「威爾頓」之外,大摩喺主席錦標仲有打吡冠軍「佳龍駒」、應屆馬王「明月千里」同董事盃「喜蓮獎星」列陣,由於唔係國際一級賽,按例唔容許申請騎師訪港客串,即係話大摩兩大愛將布文同貝湯美,無緣為上述馬匹執韁,令大摩為騎師人選傷透腦筋。

不過,目前正值停賽嘅祈普敦透露,自己好大機會夥拍「明月千里」出戰,當然一切要待大摩作最後決定。祈普敦1月底騎過「明月千里」,當時隻馬久休復出跑董事盃,只屬熱身性質,結果只得第6,之後「明月千里」狀態大幅提升,即換老拍檔布文奪香港金盃。

敦敦話上周曾策「明月千里」試閘,直指馬兒狀態續進,正值黃金期,縮程跑番1600米一樣夠晒霸氣,好希望能再替此駒出擊。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載