› 選擇地區
三藩市
紐約
洛杉磯
其他美國地區
香港 台灣 北美
 
2017年04月02日

體壇拾趣:
慧詩「欖」猛男集郵

香港國際七人欖球賽周五開波喇!香港男女隊噚日就喺香港體育學院進行公開操練,男隊仲同里奧冠軍斐濟打咗場友賽㖭。

港男隊今年七欖同智利、斯里蘭卡同納米比亞一組,噚日進行賽前唯一一課公開畀傳媒採訪嘅操練,仲搵咗由前教練備加力執教嘅斐濟拍跳。雖然兩隊實力有啲距離,但港男隊都成功達陣,表現唔錯。華將李卡度(Cado)收操後就話:「我哋一月去過斐濟對佢哋,今次同上次比,我哋防守好咗好多。」港男隊新帥莊保羅就同Cado一樣,以外圍賽冠軍為目標:「球隊對斐濟嘅友賽表現唔錯,但要減少失誤。」港男隊周二會再友賽威爾斯。女子組方面,今年四強起就會去到大球場比賽,港女隊上年打入四強,副隊長高香慧今次就將目標放喺決賽:「四強就可以入大球場,對我哋嚟講有鼓舞作用,但今年目標係入決賽!」
七欖過後,香港就會有另一體育盛事場地單車世界錦標賽上演。備戰緊嘅「女車神」李慧詩,噚日喺體院撞到斐濟隊一眾大隻男都忍唔住「集郵」,仲教佢哋講廣東話;而慧詩勁敵「德國女警」禾高噚日就已經飛嚟香港。

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載