› 選擇地區
三藩市
紐約
洛杉磯
其他美國地區
香港 台灣 北美
 
2017年04月02日

【奶媽你要知】希古恩嘜頭印廁紙
畀拿玻里躉寸係一嚿屎

禮拜六4月1日愚人節,放鬆吓啦香港人!不過,有一種仇恨點都唔可以攞嚟開玩笑,除咗國仇家恨,就係要鄙視嗰啲球壇「If You Can't Beat Them, Join Them」嘅二五仔!其中今季表表者,就係以7,500萬歐元身價由拿玻里轉投祖雲達斯嘅阿根廷前鋒希古恩。

其實一位29歲前鋒賣到7,500萬歐元本來除笨有精,而且拿玻里亦針對性收購咗波蘭前鋒米利克,仲打起埋另一射手梅頓斯,但絲毫不減拿不勒斯球迷對希古恩嘅恨。無他嘅,祖雲達斯身處嘅都靈被視為富裕北部嘅代表,拿玻里嘅基地拿不勒斯就猶如混亂無序嘅南部隱喻,加上祖記近屆喺意甲獨大,今季更有望聯賽6連霸,難得拿玻里上季成為最咬近一隊,呢位上季聯賽轟入36球嘅意甲神射手竟然跳船,原本有資格成為球會傳奇,最終應驗咗《蝙蝠俠:黑夜之神》嗰句「You either die a hero, or you live long enough to see yourself become the villain」!

希古恩喺聯賽首循環交鋒好威水,主場射入一粒幫祖記贏2:1,但嚟緊一周先後喺禮拜日意甲同禮拜三意盃4強次回合作客舊會,拿不勒斯小販就率先將着上「斑馬軍團」波衫嘅希古恩肖像印上廁紙度賣,擺明係I Don't Give a Sxxt嘅態度,連街頭啲垃圾桶都着埋希古恩舊波衫……又睇吓拿玻里球迷到時會點招呼佢?

相關新聞:意甲大勢:祖記下盤十「拿」九穩

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載