› 選擇地區
三藩市
紐約
洛杉磯
其他美國地區
香港 台灣 北美
 
2017年04月06日

咖喱牛腩:馬體會要留施蒙尼 - 何西

牽牛外游叉電,今周「牛腩」由何西頂上。周六西甲馬德里市打吡大戰,皇家馬德里主場迎戰馬德里體育會。馬體會嘅經營之道同西維爾都相似,唔少喺呢隊波踢出名堂嘅球員都成為其他豪門球會嘅獵物,前鋒基沙文被傳走人都傳咗成季,不過對於馬體會嚟講,基沙文走人未必最可怕,教練施蒙尼離隊先最大件事。
馬體會喺今季踢法上有少少改變,更加着重進攻,中後場緊密程度就稍為減弱,出現7:1、4:2呢啲大比數勝仗,但上半季成績就一般,連保住前四都好吃力。到二月初馬體會喺西盃出局,球隊亦開始重返正軌,始終施蒙尼主張嘅逼搶踢法對球員體力負擔亦大。馬體會啱啱喺周二西甲主場1:0小勝皇家蘇斯達,聯賽五連勝之餘,仲贏過皇蘇同西維爾兩支爭前四位置競爭對手,保四爭三形勢相當樂觀。
基沙文喺今季各項賽事已入22球,對馬體會固然重要,不過馬體會好興將主力進攻球員賣走,近年例子就有迪亞高哥斯達同阿達杜倫,不過施蒙尼往往都可以搵到合適替補人選,好似今季加盟嘅加美路,同埋近兩年進步神速嘅恩歷克卡拉斯高,近季馬體會陣容不斷年輕化而又保持到好成績,施蒙尼居功至偉。
施蒙尼同基沙文啱啱分別當選三月份西甲最佳教練同最佳球員,如果球會只可以留住其中一人,或者留低施蒙尼會係更好嘅選擇。好在施蒙尼早排透露過,話佢喺上年夏天拒絕咗一份3,500萬歐元嘅合約,決定留喺馬體會幫球隊爭冠。
文:何西

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載