› 選擇地區
三藩市
紐約
洛杉磯
其他美國地區
香港 台灣 北美
 
2017年04月15日

【不知葵司是誰】
恒大最後警告 巴塞出手打救保連奴?

上回提要,話說效力廣州恒大嘅巴西中場荷西保連奴,早前因為同日本AV女優葵司合作拍攝博彩公司廣告,有外國傳媒報道指佢有可能俾中國當局驅逐出境咁大 鑊,搞到保連奴嗱嗱臨發聲明劃清界線。不過,內地傳媒報道,恒大即時了解事件後,對保連奴未有向球會「備案」,而且未有查明代言業務性質下私自接廣告作出 嚴厲批評,並要求保連奴承諾唔會再犯。

保連奴相信唔使被逐出境咁羞家,但巴西傳媒咁啱喺呢個時候報道指,繼拜仁慕尼黑有意接洽呢位 28歲巴西國腳後,今次輪到巴塞隆拿表示有興趣,仲講到一隊想佢做恩尼斯達接班人,一隊想佢填補沙比阿朗素來季退役後嘅空缺,話就話保連奴近排喺巴西國家 隊「開竅」頻頻入波,但要同呢兩位中場大師比較,又未免太過抬舉啩?

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載