› 選擇地區
三藩市
紐約
洛杉磯
其他美國地區
香港 台灣 北美
 
2017年05月21日

【食件餅先】摩佬記招乜乜乜
曼聯煞科戰得普巴用得?

曼聯禮拜日會喺英超煞科主場鬥水晶宮,領隊摩連奴喺賽前記者會透露,之前因為爸爸過身無踢兩場嘅中場保羅普巴將會復出,估計係為咗谷起佢嘅狀態應付下個星期鬥阿積士嘅歐霸盃決賽。

由於曼聯今季肯定會以第6名完成聯賽,呢場英超煞科對紅魔鬼嚟講真係完全無意思,摩佬亦講過會派一班後生仔上陣,明顯係費事呢場波整傷幾件影響歐霸盃決賽排陣。摩佬話:「普巴要踢禮拜日場波,係因為佢已經有一排無練波。基斯史摩寧有傷但下個禮拜應該無問題,費蘭尼嘅情況就視乎掃瞄嘅結果,另外科素文沙呢場都會踢,如果佢反應ok,踢完成場都無乜問題嘅話,咁歐霸盃決賽都有可能上陣。」

睇盡世界體壇大小事,即Like「體蘋果」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載